ක්‍රියා මූලයෙන් අතීත කාල ස්වරෑපය ගොඩනගන අයුරැ

ක්‍රියා මූලයෙන් අතීත ස්වරෑපය ගොඩනැගීම සදහා එම ක්‍රියා මුලයට අතීත භාවය සැපයිය හැකි අධාරක ක්‍රියාවක් වන did එකතු කරනු ලැබේ.එවිට එම ආධාරක ක්‍රියාව ක්‍රියා මුලය තුල සැගවී එය අතීත ස්වරෑපය බවට පත් කරනු ලැබේ. මෙහි ඇති විශේෂත්වය වන්නේ අතීත ස්වරෑපය ඒක වචන සහ බහුවචන යන ඕනෑම කතෘ පදයක් සමගින් පොදුවේ යොදා ගැනීමට හැකි වීමයි. පහත උදාහරන බලන්න.

ආධාරක ක්‍රියාව     ක්‍රියා මූලය                       අතීත ස්වරෑපය  

did              +                   eat          ------                       ate 
did              +                   cut          ------                       cut
did              +                   buy         ------                       bought
did              +                   run          ------                       ran
did              +                   talk         ------                       talked

දැන් මෙම අතීත ස්වරෑප යොදා වාක්‍යයක් නිර්මානය කල විට එම වාක්‍යයද අතිත කාල වාක්‍යයන් වනු ඇත. 

1. I ate bread for my breakfast yesterday.
2. We cut down trees for timber last month.
3. My parents bought provisions from the market last Monday.
4. Children ran everywhere for fun last day.
5. English people talked very fast in the last meeting.

ඉහතින් ලියා ඇති සියලුම වාක්‍යයන් අතිත කාල වක්‍යයන්ය. අපිට මෙම වාක්‍යයන් නැත යන අර්ථයට පත් කිරීමට අවශ්‍යවූවා යැයි සිතමු.එවිට අපකල යුත්තේ ක්‍රියාව තුල සැගව ඇති ආධාරක ක්‍රියාව ඉන් එලියට ගෙන ක්‍රියාව ඉදිරියෙන්ලියා එය පිටුපසට not දැමීමයි. ආධාරක ක්‍රියාව ප්‍රධාන ක්‍රියාවෙන් ඉවතට ගත්පසු ප්‍රධාන ක්‍රියාව ක්‍රියාමූලය බවට පත් වනබව තරයේ මතකතබාගත යුතුය. දැන් අපි ඉහත සදහන් වාක්‍යයන්නැත යන අර්ථයට හරවන අයුරැ  බලමු.

පලමු පියවර

1. I did eat bread for my breakfast yesterday.
2. We did cut down trees for timber last month.
3. My parents did buy provisions from the market last Monday.
4. Children did run everywhere for fun last day.
5. English people did talk very fast in the last meeting.

දෙවන පියවර

1. I did not eat bread for my breakfast yesterday.
2. We did not cut down trees for timber last month.
3. My parents did not buy provisions from the market last Monday.
4. Children did not run everywhere for fun last day.
5. English people did not talk very fast in the last meeting.

මෙය නිවැරදිව අවබෝධ කර ගත්තාට පසු පියවර දෙකක් අවශ්‍ය නොවේ.

ක්‍රියා මූලයෙන් වර්තමාන බහු වචන ස්වරෑපය ගොඩනගන අයුරැ

ක්‍රියා මූලයෙන් වර්තමාන බහු වචන ස්වරෑපය ගොඩනැගීම සදහා එම ක්‍රියා මුලයට වර්තමාන භාවයද බහුවචන බාවයද එකවිට සැපයිය හැකි අධාරක ක්‍රියාවක් වන do එකතු කරනු ලැබේ.එවිට එම ආධාරක ක්‍රියාව ක්‍රියා මුලය තුල සැගවී එය වර්තමාන බහු වචන ස්වරෑපය බවට පත් කරනු ලැබේ. මෙහි ඇති විශේෂත්වය වන්නේ වර්තමාන බහු වචන ස්වරෑපයේ අකුරැ  ක්‍රියා මුලයේ අකුරැ වලට සමාන විමයි. පහත උදාහරන බලන්න.

ආධාරක ක්‍රියාව     ක්‍රියා මූලය        වර්තමාන බහු වචන ස්වරෑපය  

do              +                   eat          ------                       eat 
do              +                   cut          ------                       cut
do              +                   buy         ------                       buy
do              +                   run          ------                       run
do              +                   talk         ------                       talk

දැන් මෙම වර්තමාන බහු වචන ස්වරෑප යොදා වාක්‍යයක් නිර්මානය කල විට එම වාක්‍යයද වරර්තමාන බහු වචන වාක්‍යයක් වනු ඇත.

1. I eat bread for my breakfast.
2. We cut down trees for timber.
3. My parents buy provisions from the market.
4. Children run everywhere for fun'
5. English people talk very fast.

ඉහතින් ලියා ඇති සියලුම වාක්‍යයන් වර්තමාන කාල බහුවචන වක්‍යයන්ය. අපිට මෙම වාක්‍යයන් නැත යන අර්ථයට පත් කිරීමට අවශ්‍යවූවා යැයි සිතමු.එවිට අපකල යුත්තේ ක්‍රියාව තුල සැගව ඇති ආධාරක ක්‍රියාව ඉන් එලියට ගෙන ක්‍රියාව ඉදිරියෙන්ලියා එය පිටුපසට not දැමීමයි. ආධාරක ක්‍රියාව ප්‍රධාන ක්‍රියාවෙන් ඉවතට ගත්පසු ප්‍රධාන ක්‍රියාව ක්‍රියාමූලය බවට පත් වනබව තරයේ මතකතබාගත යුතුය. දැන් අපි ඉහත සදහන් වාක්‍යයන්නැත යන අර්ථයට හරවන අයුරැ  බලමු.

පලමු පියවර

1. I do eat bread for my breakfast.
2. We do cut down trees for timber.
3. My parents do buy provisions from the market.
4. Children do run everywhere for fun'

5. English people do talk very fast.

දෙවන පියවර

1. I do not eat bread for my breakfast.
2. We do not cut down trees for timber.
3. My parents do not buy provisions from the market.
4. Children do not run everywhere for fun'

5. English people do not talk very fast.

ක්‍රියා මූලය හා එහි ලක්ෂණ ( verb stem)

   ඉංග්‍රීසි භාෂාවේ  action වර්ගයේ ක්‍රියා විශාල සංඛ්‍යාවක් තිබේ. එය දහස් ගණනක් වියහැක.
මෙම එක් එක් ක්‍රියා පදය සදහා ක්‍රියා මූලය බැගින්ද තිබේ. ක්‍රියා මූලයකට පහත සදහන් ලක්ෂණ තිබේ යැයි ඉගෙනගැනිමේ පහසුව සදහා අපි මොහොතකට උපකල්පනය කරමු.

1. ක්‍රියා මූලයකට කාලයක් නැත. එබැවින් අවශ්‍ය කාලය අාධාරක ක්‍රියා මගින් සැපයිය යුතුය.
2. ක්‍රියා මූලය ඒකවචන හෝ බහු වචන නොවේ. එබැවින් ඒක වචන හෝ බහු වචන බව අාධාරක ක්‍රියා මගින් සැපයිය යුතුය. (do,does,did,done )
3. ක්‍රියා මූලය අගට අකුරක් හෝ අකුරැ ඛන්ඩයක් එකතු විය හැක.එසේ එකතුවිය හැකි අකුරැ හෝ අකුරැ ඛන්ඩ වන්නේ

-s, -es, -ies, -ing, -ed
  
4. විවිධ කාල සදහා සහ විවිධ කාර්යයන් සදහා විවිධ ක්‍රියා ස්වරෑප ගොඩනගාගනු ලබන්නේ          මෙම කියා මූලයෙනි. උදාහරණයක් ලෙස eat and talk යන ක්‍රියා මූලවලින් ගොඩනගා ගන්නා විවිධ   ක්‍රියා ස්වරෑප දෙස බලන්න.

EAT

eat (වර්තමාන බහු වචන ස්වරෑපය)
eats (වර්තමාන ඒක වචන ස්වරෑපය)
ate (අතීත ස්වරෑපය)
eaten (අතීත කෘදන්තය)
eating (වර්තමාන කෘදන්තය)

TALK

talk (වර්තමාන බහු වචන ස්වරෑපය)
talks  (වර්තමාන ඒක වචන ස්වරෑපය)
talked  (අතීත ස්වරෑපය)
talked   (අතීත කෘදන්තය)
talking  (වර්තමාන කෘදන්තය)

ඉහත රතු පාටින් සදහන් කර ඇති ස්වරෑප තුන ක්‍රියා මුලයෙන් ගොඩ නගාගන්නා ප්‍රධන ස්වරෑප තුනවේ. අපි ඊලග පාඩමින් ඒවා ගොඩනගන අයුරැ ඉගෙන ගනිමු.

      

Action verbs (doing verbs and happening verbs) කරන සහ කෙරෙන ක්‍රියා

Grammar lesson Fourteen --දාහතර වන  පාඩම

Action verbs

මම මෙම ඉංග්‍රිසි පාඩම් මාලාව ඉදිරිපත් කරන්නේ ලොවෙහි වෙසෙන සිංහල කියවිය හැකි සියලු දෙනා වෙනුවෙනි.English for Sinhalese ලෙස සදහන් කර තිබුනාට සිංහල ජාතිකයින්ට පමනක් කියා මම අදහස් නොකරමි. මා උගත් භාෂාව මා හරහා තව අයෙයෙක් ඉගෙනගන්නවා දකින එක මට සතුටක් ගෙනදේ. එය පිනක් යැයි මා සිතමි.මා කරන මෙම සත් කාරය සදහා ඔබට කල හැකි උදව්ව වන්නේ දිනපතා මගේ වෙබ් අඩවියට පිවිස ඉගෙන ගැනීමත් තවත් අයට මෙම බ්ලොග් අඩවිය හදුන්වා දීමත්ය.

අපි අටවන පාඩමේ සිට දහතුන්වන පාඩම දක්වා ඉගෙන ගත්තේ non action verbs හෙවත්  BE ට
අයත් ක්‍රියා පද වේ.මෙම පාඩම කියවන්නට පෙර හත්වන පාඩම පොඩ්ඩක් කියවල එන්වා නම් පහසු වනු ඇත.

 හත්වන පාඩමට අනුව ක්‍රියා පද වර්ග දෙකකි. එක් වර්ගයකින් වීම,සිටීම,ඉදීම,තිබීම පෙන්වයි.ඒවා non action verbs හෙවත් BE verbs වේ. අනෙක් වර්ගය කරන දෙයක් හා කෙරෙන දෙයක් පෙන්වන ක්‍රියා පද වේ. මෙම  කරන දෙයක් හා කෙරෙන දෙයක් පෙන්වන ක්‍රියා පදවල චලනයක් එසේ නැත්නම් සෙලවීමක් දැකගතහැකිය. එනම් action එකක් දැක ගත හැකිය. එබැවින් ඒවාට ඉංග්‍රිසියෙන් ACTION VERBS යැයි කියනු ලැබේ.

කරන ක්‍රියා (doing verbs)

run (දුවයි)
go (යයි)
eat (කයි)
write (ලියයි)
sing (ගයයි)
talk (කතාකරයි.)

කෙරෙන ක්‍රියා (verbs that happen)

rain (වසියි)
fall වැටෙයි)
flow (ගලයි)
blow (හමයි)
bloom (පිපෙයි)

ඉංග්‍රීසි භාෂාවේ මෙම action වර්ගයේ ක්‍රියා විශාල සංඛ්‍යාවක් තිබේ. එය දහස් ගණනක් වියහැක.
මෙම එක් එක් ක්‍රියා පදය සදහා ක්‍රියා මූලය බැගින් තිබේ.විවිධ කාල සදහා සහ විවිධ කාර්යයන් සදහා විවිධ ක්‍රියා ස්වරෑප ගොඩනගාගනු ලබන්නේ මෙම කියා මූලයෙනි. උදාහරණයක් ලෙස eat and talk යන ක්‍රියා මූලයෙන් ගොඩනගා ගන්නා විවිධ ක්‍රියා ස්වරෑප දෙස බලන්න.

EAT

eat (වර්තමාන බහු වචන ස්වරෑපය)
eats (වර්තමාන ඒක වචන ස්වරෑපය)
ate (අතීත ස්වරෑපය)
eaten (අතීත කෘදන්තය)
eating (වර්තමාන කෘදන්තය)

TALK

talk (වර්තමාන බහු වචන ස්වරෑපය)
talks  (වර්තමාන ඒක වචන ස්වරෑපය)
talked  (අතීත ස්වරෑපය)
talked   (අතීත කෘදන්තය)
talking  (වර්තමාන කෘදන්තය)

මෙම ස්වරැප අතරින් වර්තමාන බහු වචන ස්වරෑපය, අතීත ස්වරෑපය සහ අතීත කෘදන්තය කට පාඩම්කර හෝ මතක තබා ගැනීම ඉදිරි පාඩම් වලදී මහෝපා කාරිවනු ඇත. එවැනි ක්‍රියාපද ලැයිස්තුවක් ඉදිරියේදී මා විසින් ඔබට සපයනුලැබේ. 

Past Perfect Tense of "BE" අතීතයේ සම්පූර්ණවූ කාලයේ "BE" ක්‍රියාපද

Past Perfect Tense of "BE"

 අතීතයේ සම්පූර්ණවූ කාලයේ "BE" ක්‍රියාපද

Past Perfect Tense of Verb To "BE"

1. I am at the bus halt. (simple present) (මම බස්නැවතුමේ සිටිමි.)

2. I was at the bus halt. (simple past) (මම බස්නැවතුමේ සිටියෙමි.)

3. I shall be at the bus halt. (simple future) (මම බස්නැවතුමේ සිටින්නෙමි.)

4. I have been at the bus halt. (present perfect) (මම බස්නැවතුමේ සිට ඇත්තෙමි.)

5. I had been at the bus halt. ( past perfect) (මම බස්නැවතුමේ සිටතිබුනෙමි.)

ඉහතින් දක්වා තිබෙන්නේ ඔබ මෙතෙක් කල් ඉගෙනගත් කාල හතරෙන් ලියා ඇති වාක්‍ය හතරක් සහ මෙම පාඩමේදී ඉගෙනගැනීමට යන කාලයෙන් ලියා ඇති වාක්‍යයකි. ඒවා කියවා අවබෝධ කර ගන්න.past යනු අතිත හා perfect යනු සම්පුර්ණවූ යන අරැත් දෙන වචන දෙකකි. එබැවින් past perfect යන්නෙන් අතීතයේ සම්පූර්ණවූ යන අර්ථය ගෙනදේ. මෙය ඉංග්‍රීසි ව්‍යාකරණයේ ක්‍රියා පද වලට පහත සදහන් ලෙස ගැලපිය හැක. එනම් අතීතයේ යම් කිසි මොහොතක පටන්ගත් ක්‍රියාවක් ඊට නුදුරැ අතීත මොහොතක සම්පූරනවී අවසන්වී ඇත. ඒ සදහා යම් කිසි කාලයක් ගතවි ඇති අතර එය කාල පරාසයක් ලෙස වාක්‍ය යේ සටහන් කෙරේ. ක්‍රියාවේ ප්‍රතිපල වර්තමාන මොහොතේ දැක ගැනීමටතිබිය යුතු යැයි අපේක්ෂා නොකෙරේ.

මෙම කාලය සදහා BE ක්‍රියා පද එකක් තිබේ. එනම් had been වේ. සාමාන්‍ය යෙන් මෙම කාලයේ පවතින සිංහල වාක්‍යයක් අවසන් වන්නේ අතීත කෘදන්තයක් (වී,සිට,ඉද,තිබී) පෙරටුකොටගත් තිබුණි යන වචනයෙනි. එබැවින්  had been සදහා පහත සදහන් සිංහල අර්තයන්සියලුම සිංහල කතෘන් සදහා පොදුවේ ලබාදිය හැක.

had been

වී තිබුණි
සිට තිබුණි.
ඉද තිබුණි.
තිබි තිබුණි.

සියලුම සිංහල කතෘන් සදහා පොදුවේ had been  සදහා ඉහත සදහන් සිංහල අර්තයන් ලබාදුන්නද මෙම කාලයේ පවතින සිංහල වාක්‍ය ලියනවිට සිංහල ව්‍යාකරණයට අනුව ක්‍රියා පදය සැකසිය යුතුය.ඒ අනුව මම යන්නෙන් පටන් ගත්තේනම්  මි  යන්නෙන්ද අපි යන්නෙන් පටන් ගත්තේනම්  මු යන්නෙන්ද පරිදි අවසන්විය යුතු බව සැලකිය යුතුය.

ඒ අනුව කතෘ මම නම්

වී තිබුනෙමි.
සිට තිබුනෙමි.
ඉද තිබුනෙමි. ලෙසද

කතෘ අපි නම්

වී තිබුනෙමු.
සිට තිබුනෙමු.
ඉද තිබුනෙමු. ලෙසද විය යුතු බව සැලකිය යුතුය.




සාමාන්යෙන්  Past Perfect කාලයෙහි පවතින වාක්‍යවල කාලය පෙන්වන වාක්‍ය කණ්ඩ පැමිනේ.එවැනි වාක්‍ය කණ්ඩවලනිතර දැකගතහැකි වචන දෙකක් තිබේ. SINCE and FOR එම වචන දෙක වේ.  Perfect කාල වලදී කාලය පෙන්වන්නේ කාල පරාස ලෙසය (duration of time). සරල වර්තමානය, සරල අතීතය,සහ සරල අනාගත යන කාලවලදී කාලය පෙන්වන්නේ  මොහොත     වල් ලෙසය. (point of time).

Since යන වචනයෙන් කාල පරාසය පටන් ගත් මොහොත පෙන්වයි.

since nine to ten yesterday ඊයේ නමයේ සිට/සිටන්/පටන් දහය දක්වා
since Monday to Friday last week ගිය සතියේ සදුදා සිට/සිටන්/පටන් සිකුරාදා දක්වා
since remote past to recent pastඈත අතීතයේ සිට/සිටන්/පටන් මෑත අතීතය දක්වා

For යන වචනයෙන් සම්පූර්ණ කාල පරාසය කොපමනදැයි පෙන්වයි.

for two hours yesterday ඊයේ පැය දෙකක් තිස්සේ
for two days last week ගිය සතියේදවස් දෙකක් තිස්සේ
for a week last month ගිය මාසේ සතියක් තිස්සේ.
for five years last decade පහුගිය දශකයේ අවුරැදු පහක් තිස්සේ

1. I had been at the bus-stand for two hours yesterday.(මම ඊයේ පැය දෙකක් තිස්සේ බස් නැවතුමේ ඉද තිබුනෙමි.)

2. We had been very close friends since 2006 to 2015.(අපි 2006 සිට 2015 දක්වා සමීප මිතුරන් වී තිබුනෙමු.   )

3. You had been my wife for ten years since 2000 to 2010.(ඔබ 2000 සිට 2010 දක්වා අවුරැදු දහයක් තිස්සේ මගෙ බිරිද වි තිබුනෙහි.)

4. You had been clever doctors since that day.(ඔබලා එදා සිට දක්ෂ වෛද්‍යවරැන් වී තිබුනෙහු.)

5. He had been in the prison for five years.(ඔහු අවුරැදු පහක් තිස්සේ හිරගෙදර ඉද තිබුණි.)

5. She had been sick for two weeks last year.(ඈ ගිය අවුරැද්දේ සති දෙකක් තිස්සේ අසනීපවී ති‍බුණි.)

6. It had been a big problem to our country since past.(එය අතීතයේ සිට අපේ රටට විශේෂ ප්‍රශ්නයක් වී තිබුණි).

7. It had been in this cage fore two month last year.(ඌ ගිය අවුරැද්දේ මාස දෙකක් තිස්සේ මෙම කූඩුවේ ඉද තිබුණි.)

8. They had been with us since last Monday to Friday(ඔව්හු ගිය සදුදා සිට සිකුරාදා දක්වා අප සමග ඉද තිබුණි.)

9. My grand mother had been in hospital for three days last week.(මගේ ආච්චී ගිය සතියේ දින තුනක් තිස්සේ රෝහලේ ඉද තිබුණි.)
10.His garden had been under flood for five days last month.(ඔහුගේ වත්ත ගිය මාසයේ දින පහක් ගං වතුරට යටවිී  තිබුණි.)

සාමාන්‍ය යෙන්  past perfect වාක්‍යයක් වඩා අර්ථවත් වන්නේ එය තවත් වාක්‍යයක් සමගින් ලිවීමෙනි. උදාහරණයක් ලෙස අතීතයේ සිදුවු ක්‍රියා දෙකක් ඇතැයි සිතන්න. මෙම දෙකෙන් එකක් අනිකට කලින් සිදුවූවා යැයිද සිතන්න.මෙම කලින් සිදුවු ක්‍රියාව හෙවත් වැඩි අතීතයක් සහිත ක්‍රියාව  past perfect කාලයෙනුත්,පසුව සිදුවූ ක්‍රියාව හෙවත් අඩු අතීතයක් සහිත ක්‍රියාව simple past කාලයෙනුත් ලියනු ලැබේ.

1. My grand mother had been in hospital for three days last week. (past perfect)
2. She died.(simple past)

දැන් අපි මෙම වාක්‍යයන් දෙක before යන සම්බන්ධීකරන වචනය යොද සම්බන්ධ කරමු.

My grand mother had been in hospital for three days last week before she died.

මගේ ආච්චී මිය යෑමට පෙර ඈගිය සතියේ දින තුනක් තිස්සේ රෝහලේ ඉද තිබුනි.

Present Perfect Tense of "BE" වර්තමානයේ සම්පූර්ණවූ කාලයේ "BE" ක්‍රියාපද

Grammar lesson Tweleve --දොළොස් වන  පාඩම

Present Perfect Tense of "BE"

වර්තමානයේ සම්පූර්ණවූ කාලයේ "BE" ක්‍රියාපද

  Present Perfect Tense of Verb To "BE"

I am sick.(මම ලෙඩ වෙමි.) simple present

I was sick.(මම ලෙඩ වූයෙමි.) simple past

I will be sick.(මම ලෙඩ වන්නෙමි.) simple future

I have been sick.(මම ලෙඩ වීඇත්තෙමි.) present perfect

සිංලෙන් ඉංග්‍රීසි ඉගෙනගන්නා අපි present perfect යන කාලය අවබෝධ කර ගන්නේ කෙසේද? ඉංග්‍රීසි ව්‍යාකරණයේ එන වර්තමාන කාලය යනු කුමක්දැයි ඔබගෙන් යම් අයකු ඇසුවහොත් වර්තමාන කාලය යනු දැං කාලය යැයිද,දැං කාලයේ  කෙරෙ ක්‍රියා වර්තමාන කාල ක්‍රියා යැයිද ඔබ කියනු ඇත. ඒ ආකාරයටම Present Perfect යන කාලය කුමක්දැයි ඔබගෙන් යම් අයකු ඇසුවහොත් එය විස්තර කිරීමටද ඔබට හැකිවිය යුතුය.ඔබ එය පහත සදහන් 

ලෙස විස්තර කරන්න.

1.  Present Perfect කාලයේ ක්‍රියා යනු කතා කරන ‍වර්තමාන මොහොතට ලගම           අතීත මොහොතේ සම්පූර්ණවූ සහ ඒ නිසාම එහි ප්‍රතිපල වර්තමාන                       මොහොතේ දැක ගත හැකි ක්‍රියා.

2. ක්‍රියාව සම්පූර්ණවූ අතීත මොහොත ඊයේද, පෙරේදාද, ගිය සතියේද ලෙස           යන්න නිශ්චිතව නොදන්නා අතීත ක්‍රියා.( ඊයේද, පෙරේදාද, ගිය සතියේද             යන්න නිශ්චිතව දන්නා අතීත ක්‍රියා Present Perfect ක්‍රියා ලෙස නොගැනේ. ඒවා     ගැනෙන්නේ සරල අතීත කාලයටය.)

මෙම කාලය සදහා BE ක්‍රියා ස්වරෑප දෙකකි.

have been

has been 

have been බහුවචන කතෘ පද සදහාද has been ඒක වචන  කතෘ පද සදහාද යොදා ගැනේ. සියලුම සිංහල කතෘන් සදහා පොදුවේ have been සහ has been සදහා පහත සදහන් සිංහල අර්තයන් ලබාදිය හැක.

වී තිබේ /ඇත.
සිට තිබේ /ඇත.
ඉද තිබේ/ ඇත.
තිබී තිබේ /ඇත.

සියලුම සිංහල කතෘන් සදහා පොදුවේ have been සහ has been සදහා පහත සදහන් සිංහල අර්තයන් ලබාදුන්නද මෙම කාලයේ පවතින සිංහල වාක්‍ය ලියනවිට සිංහල ව්‍යාකරණයට අනුව ක්‍රියා පදය සැකසිය යුතුය.ඒ අනුව මම යන්නෙන් පටන් ගත්තේනම්  මි  යන්නෙන්ද අපි යන්නෙන් පටන් ගත්තේනම්  මු යන්නෙන්ද පරිදි අවසන්විය යුතු බව සැලකිය යුතුය.

ඒ අනුව කතෘ මම නම්

වී ඇත්තෙමි.
සිට ඇත්තෙමි.
ඉද ඇත්තෙමි ලෙසද

කතෘ අපි නම්

වී ඇත්තෙමු.
සිට ඇත්තෙමු.
ඉද ඇත්තෙමු ලෙසද විය යුතු බව සැලකිය යුතුය.

සාමාන්යෙන්  Present Perfect කාලයෙහි පවතින වාක්‍යවල කාලය පෙන්වන වාක්‍ය කණ්ඩ පැමිනේ.එවැනි වාක්‍ය කණ්ඩවලනිතර දැකගතහැකි වචන දෙකක් තිබේ. SINCE and FOR එම වචන දෙක වේ.  Perfect කාල වලදී කාලය පෙන්වන්නේ කාල පරාස ලෙසය (duration of time). සරල වර්තමානය, සරල අතීතය,සහ සරල අනාගත යන කාලවලදී කාලය පෙන්වන්නේ  මොහොත     වල් ලෙසය. (point of time).

Since යන වචනයෙන් කාල පරාසය පටන් ගත් මොහොත පෙන්වයි.

since yesterday ඊයේ සිට/සිටන්/පටන්.
since last week ගිය සතියේ සිට/සිටන්/පටන්.
since recently ලගකදී සිට/සිටන්/පටන්.
since past අතීතයේ සිට/සිටන්/පටන්.

For යන වචනයෙන් සම්පූර්ණ කාල පරාසය කොපමනදැයි පෙන්වයි.

for two hours පැය දෙකක් තිස්සේ
for two days දවස් දෙකක් තිස්සේ
for a week සතියක් තිස්සේ.
for five years අවුරැදු පහක් තිස්සේ

දැන් අපි උදාහරන වාක්‍ය කීපයක් ලියා බලමු.


1. I have been at the bus-stand for two hours.(මම පැය දෙකක් තිස්සේ බස් නැවතුමේ ඉද ඇත්තෙමි.)

2. We have been very close friends since we met first.(අපි පළමු මුනගැහුමේ සිට සමීප මිතුරන් වී ඇත්තෙමු.)

3. You have been my wife for ten years.(ඔබ අවුරැදු දහයක් තිස්සේ මගෙ බිරිද වි ඇත්තෙහි.)

4. You have been clever doctors since that day.(ඔබලා එදා සිට දක්ෂ වෛද්‍යවරැන් වී ඇත්තෙහු.)

5. He has been in the prison for five years.(ඔහු අවුරැදු පහක් තිස්සේ හිරගෙදර ඉද තිබේ.)

5. She has been sick for two weeks.(ඈ සති දෙකක් තිස්සේ අසනීපවී තිබේ.)

6. It has been a big problem to our country since past.(එය අතීතයේ සිට අපේ රටට විශේෂ ප්‍රශ්නයක් වී තිබේ.

7. It has been in this cage fore two month.(ඌ මාස දෙකක් තිස්සේ මෙම කූඩුවේ ඉද තිබේ.)

8. They have been with us since last Monday(ඔව්හු ගිය සදුදා සිට අප සමග ඉද තිබේ.)

9. My grand mother has been in hospital for three days.(මගේ ආච්චී දින තුනක් තිස්සේ රෝහලේ ඉද තිබේ.)

10. His garden has been under flood.(ඔහුගේ වත්ත ගං වතුරට යටවිී තබේ.)

Future Tense of "BE" අනාගත කාල "BE" ක්‍රියාපද

Grammar lesson Eleven --එකොළොස් වන  පාඩම

Future Tense of "BE"

අනාගත කාල "BE" ක්‍රියාපද

අනාගත කාලය යනු තවම නොආ හෙවත්  එන්නට තිබෙන කාලයයි.අනාගතයේදී කරන්නට යන ක්‍රියා පැවසීමේදී කියවන්නාට එම ක්‍රියාතුල අනාගතභාවය හැගෙන පරිදි ක්‍රියාව සැකසිය යුතුය. සිංහල භාෂාවේදී එය පහසු නැත. ඉංග්‍රීසි භාෂාවේදී අනාගතය පෙන්වීම සදහාම වෙන්වූ වචන ඇති බැවින් එය පහසුය. shall සහ will යනු එවැනි වචන දෙකකි.අපි මෙම පාඩමේදී ඉගෙනගන්නේ වීම,සිටිම, ඉදීම සහ තිබීම අනාගතය හැගෙන පරිදි ඉංග්‍රීසි ක්‍රියාවක්  ලෙස ගොඩනගන ආකාරයයි. වීම,සිටිම, ඉදීම සහ තිබීම යනු non actionහෙවත් BE ට අයත් ක්‍රියා පද වේ.ඔබට අමතක නම් 7 වන පාඩම නැවත කියවන්න.

අනාගත කාලය සදහා BE ක්‍රියාපද දෙකකි.

shall be

will be

සියලුම කතෘන් සදහා will be යොදා ගන්න.

1.    I will be  ( මම වන්නෙමි/සිටින්නෙමි/ඉදින්නෙමි.)

2.    We will be (අපි වන්නෙමු/සිටින්නෙමු/ඉදින්නෙමු) 

3.    You will be (ඔබ වන්නෙහි/සිටින්නෙහි/ඉදින්නෙහි.)

4.    you will be (ඔබලා වන්නෙහු/සිටින්නෙහු/ඉදින්නෙහු.)

5.    He will be (ඔහු වන්නේය/සිටින්නේය/ඉදින්නේය.)

6.    She will be ( ඈ  වන්නේය/සිටින්නේය/ඉදින්නේය.)

7.    It will be (උෟ  වන්නේය/සිටින්නේය/ඉදින්නේය.)

8.    It will be (එය වන්නේය/තිබෙනනේය )

9.    They will be (ඔව්හු වන්නෝය/සිටින්නෝය/ඉදින්නෝය )

10.  They will be ( උන් වන්නෝය/සිටින්නෝය/ඉදින්නෝය )

11.  They will be (ඒවා වන්නෝය/තිබෙන්නෝය.)

12.  My mother will be (මගේ මව වන්නේය/සිටින්නේය/ඉදින්නේය)

13.  The world will be (ලෝකය වන්නේය/තිබෙන්නේය)

14.  The future of my country will be (මගේ රටේ අනාගතය වන්නේය/තිබෙන්නේය

15.  religions will be (ආගම් වන්නේය/තිබෙන්නේය.)

 ඇත්ත වශයෙන්ම අනාගත කාලය සදහා I සහ We සමග යොදා ගත යුත්තේ shall be වේ.You,He,She,It,They,etc.සදහා shall be කොහොමත්ම භාවිත කල නොහැක. වර්තමාන ප්‍රවනතාවය සියලුම කතෘන් සදහා will be යොදා ගැනීමයි. එහෙත් ඔබ විභාගයකට උත්තර ලියන විට I සහ WE සදහා shall be යොදාගන්නේනම් මැනවි.අනාගත කාලය හගවන වචන සහ වාක්‍ය ඛන්ඩ බොහෝවිට මෙවැනි වාක්‍යවල දැකගතහැක. පහත දැක්වෙන්නේ එවැනි කාල සටහන්කරැවන් කිපයකි.

Time Markers for Future Tense

1.  Tomorrow.හෙට

2.  Day after tomorrow.අනිද්දා

3.  Two days after tomorrow.ඉන්අනිද්දා

4.  Next week. ඊලග සතියේ

5.  Next month. ඊලග මාසේ

6.  Next year. ඊලග අවුරැද්දේ

7.  In the future. අනාගතයේදී

8.  In due course නුදුරැ අනාගතයේදී

9.  In 2020. දෙදහස් විස්සේදී

10. When I return home tomorrow මම හෙට ගෙදර ආවිට

 දැන් අපි මෙම කාල සටහන් කරැවන් යොදා සම්පූර්න වාක්‍ය ටිකක් ලියා බලමු.

1.    I will be a doctor in the future. 

2.    We will be in India tomorrow. 

3.    You will be clever soon.

4.    you will be the first next term.

5.    He will be my husband in due course.

6.    She will be here next week

7.    It will be a profitable business in coming years.

8.    It will be an unbelievable success.

9.    They will be in the jail after the trial tomorrow. 

10.  They will be in their nests tomorrow.

11.  They will be under the ground next month.

12.  My mother will be In Australia day after tomorrow. 

13.  The world will be a dangerous place to live in due course. 

14.  The future of my country will be danger in coming years. 

15.  Religions will be of less importance in the future.

අභ්‍යාසය

ඉහත සදහන් වාක්‍යය සිංහලට හරවන්න.

Past Tense of "BE" අතීත කාල "BE" ක්‍රියාපද

Grammar lesson Ten -- දසවන  පාඩම

Past Tense of "BE"

අතීත කාල "BE" ක්‍රියාපද

අතීත කාලය යනු වර්තමාන කතා කරන මොහොතට පෙරතිබූ ගෙවීගිය කාලයයි. එම අතිතකලය පහත සදහන් ලෙස විවිධ කාලවචන වලින් දැක්විය හැක.

1.  මොහොතකට පෙර  a moment ago

2.  පැයකට පෙර  an hour ago

3.  දවසකට පෙර  a day ago

4.  ඊයේ  yesterday

5.  පෙරේදා a day before yesterday

6.  ගිය සතියේ  last week 

7.  ගිය මාසයේ  last month

8.  ගිය අවුරැද්දේ  last year

9.  අතීතයේදී  in the past

10.දිගු කාලයකට පෙර  a long time ago

මේවා සහ මෙවැනි තවත් ඒවා අතීත කාලය පෙන්වන කාල සටහන් කරැවන් හෙවත් Time Makers ලෙස හැදින්විය හැක. අතීත කාලය සදහා BE ක්‍රියා පද දෙකක් තිබේ. ඒවා පහතින් දැක්වේ.

1. was  ( වූයෙමි,සිටියෙමි.ඉදියෙමි,වූයේය/වූවාය,සිටියේය/සිටියාය,ඉදියේය/                     ඉදියාය,තිබුණි)

2. were (වූයෙමු,සිටියෙමු,ඉදියෙමු,වූවෝය,සිටියෝය.ඉදියෝය,තිබුණි.)

    දැන් අපි යොදා වාක්‍ය ටිකක් ලියා බලමු.

1.   I was a little boy ten years ago.(අවුරැදු 10 කට පෙර මම පුංචි පිරිමි ලමයෙකු වූයෙමි.)

2.   I was at school in the morning today.(අද උදයේ මම පාසලේ සිටියෙමි.)

3.   He was sick last week.(ගිය සතියේ ඔහු ලෙඩ විය.)

4.   She was very clever in her childhood.(ලමාඅවධියේදී ඈ ඉතා දක්ෂ වූවාය/විය.)

5.   My father was in London yesterday.(මගේ පියා ඊයේ ලන්ඩනයේ සිටියේය/ඉදියේය.)

6.   My sister was in the kitchen an hour ago.(මගේ සොයුරිය පැයකට පෙර කුස්සියේ සිටියාය/සිටියේය)

7.   The book was on this table two weeks ago.(සති දෙකකට පෙර පොත මෙම මේසය උඩ තිබුණි.)

8.   We were good friends those days.(අපි එදවස  හොද මිතුරන් වූයෙමු.)

9.   We were in the same class in 2015.(අපි 2015 දී එකම පංතියේ සිටියෙමු.)

10. They all were sick last week.(ඔව්හු සියල්ලෝ ගිය සතියේ අසනීප වූවෝය.)

11. My friends were in the zoo last evening.(මගේ මිතුරෝ ඊයේ සවස සත්තුවත්තේ සිටියෝය.)

12. My shirts were in the room last night.(මගේ සොහොයුරියෝ ඊයේ රාත්‍රිෙය් කාමරයේ සිටියෝය.)  

මෙන්න 9 වන පාඩමේ අභ්‍යාසයට උත්තර

1. මම බස් නැවතුමේ සිටිමි. ( I am at the bus-stop.)

2. හොද ලමයෙක් වෙමි. ( I am a good child.)

3. අපි ‍වෛද්‍යවරැන් වෙමු. ( We are doctors.)

4. අපි රෝහලේ සිටිමු. (We are at the hospital.)

5. ඔබ මගේ හොදම මිතුරා වෙහි. ( You are my best friend.)

6. ඔබලා මෙහි සිටිහු. ( You are here.)

7. ඔහු කාමරයේ සිටියි. ( He is in the room.)

8. ඈ මගේ නැගනිය වෙයි. ( She is my sister.)

9. ඌ කූඩුවේ සිටියි. (It is in the cage/nest.)

10. එය බෑගයේ තිබෙයි. (It is in the bag.)

11. ඔව්හු සොරැන් වෙති. ( They are thieves.)

12. උන් අහසේ සිටිති. (They are in the sky.)

13 ඒවා වත්තේ තිබෙි. ( They are in the garden.)

14. වතුර බෝතලයේ තිබෙයි. ( Water is in the bottle.)

15.නිමල් සහ කමල් සතුරෝ වෙති. ( Nimal and Kamal are enemies.)

පහතින් දැක්වෙන්නේ  BE හී වර්තමාන හා අතීත යන කාල දෙකෙන් ලියා ඇති සිංහල වාක්‍යය කීපයක ි ඒවා ඉංග්‍රීසියට හරවන්න.

1.   මම උස වෙමි.

2.   ඔව්හු  ඉතා ජනප්‍රිය වූවෝය.

3.  අපි මෝඩයෝ වෙමු.

4.  උන් භයානක සතුන් වෙති.

5.  ඔහු කඩවසම් වෙයි.

6.  ඒවා නාන කාමරයේ තිබුණි.

7.  ඈ අපේ අසල්වැසියා වෙයි.

8.  එය මේසය යට තිබෙයි.

9.  උෟ හරකෙකි.(වෙයි)

10. වතුර අපිරිසිදු වුනි.

මේවාට උත්තර ඊලග පාඩම අවසානයේ.