වර්තමාන කාල "BE" ක්‍රියාපද

Grammar lesson Nine -- නමවන  පාඩම

Present Tense of "BE"

වර්තමාන කාල "BE" ක්‍රියාපද

 භාෂාවක ව්‍යාකරණයේඑන ක්‍රියා පද වලට අදාලව වර්ථමාන කාලය අප තේරැම් ගන්නේ කෙසේද? එදිනෙදා භාවිතයේදී අප කාලය මනින අවම ඒකකය තප්පරයවේ. ඒ අනුව තප්පරයක් පාසා කාලය අතීතයට ගමන් කරයිි. ඇත්ත වශයෙන්මනියම වර්ථමානය වන්නේ ඔබ කථා කරන තප්පරයි. ඊට පෙර තප්පරය අතීතය වන අතර ඊට පසු තප්පරය අනාගතයයි. ව්‍යාකරණයේ එන සරළ වර්ථමානය යනු ඔය කියන කථා කරන වර්ථමාන තප්පරය නොවේ.වර්ථමාන ජනාධිපතිතුමා යැයි කිිිියූ විට ඔහු ඊයේද  අදද හෙටද ජනාධිපතිය. එලෙස සරළ වර්තමානය යනු මදක් අතීතයටද මදක්අනාගතයටද ගමන්කරන්නාවූ කාලයකි.

වර්තමාන කාලය සදහා BE ක්‍රියාපද තුනකි

1.Am     (වෙමි,සිටිමි,ඉදීමි)

2.Is       (වෙයි, සිටියිි,ඉදියි ,තිබේ)

3.Are    (වෙමු, සිටිමු, ඉදිමු, වෙති, සිටිති,ඉදිති,තිබේ) 

Example (උදාහරණ)

1. I am a boy.   මම පිරිමි ලමයෙක් වෙමි.   

2. I am clever.  මම දක්ෂ වෙමි.

3. I am at home.  මම ගෙදර සිටිමි.

1. He is a doctor.  ඔහු වෛද්‍යවරයෙක් වෙයි.

2. She is in the kitchen.  ඈ කුස්සියේ සිටියි/ඉදියි.

3. It is on the table. එය මේසය උඩ තිබේ.

1. We are friends.  අපි මිතුරන් වෙමු.   

2. We are in the town  අපි නගරයේ සිටිමුු.

3. They are my brothers ඔව්හු මගේ සහෝදරයෝ වෙති.

4. They are in the car  ඔව්හු කාරයේ සිටිති

5. My books are in my bag  මගේ පොත් මගේ බෑගයේ් තිබේ.

ඉංග්‍රිසි භාෂාවේදී am, is, are යන වර්තමාන කාල BE ට අයත් ක්‍රියා පදයෙදීමේදී අප විසින් සොයාබැලිය යුත්තේ I හැරැනු විට අනෙක් සියලු කතෘ පද ඒක වචනද බහුවචනද කියාය. ඒක වචන නම් Is ද බහු වචන නම් Are ද යෙදිය යුතුය. වර්තමාන කාලයේදී I සදහාම වෙන්වු Am යන ක්‍රියාව තිබේ.එය වෙනකිසිම කතෘපදයක් සමග වාක්ය‍ය තනන්නෙ නැත.

පහත සදහන් වාක්‍යය ඉංග්‍රීසියෙන් ලිවීමට උත්සාහ කරන්න.

1. මම බස් නැවතුමේ සිටිමි.

2. හොද ලමයෙක් වෙමි.

3. අපි ‍වෛද්‍යවරැන් වෙමු.

4. අපි රෝහලේ සිටිමු.

5. ඔබ මගේ හොදම මිතුරා වෙහි.

6. ඔබලා මෙහි සිටිහු.

7. ඔහු කාමරයේ සිටියි.

8. ඈ මගේ නැගනිය වෙයි.

9. ඌ කූඩුවේ සිටියි.

10. එය බෑගයේ තිබෙයි.

11. ඔව්හු සොරැන් වෙති.

12. උන් අහසේ සිටිති.

13 ඒවා වත්තේ තිබෙි.

14. වතුර බෝතලයේ තිබෙයි.

15.නිමල් සහ කමල් සතුරෝ වෙති. (උත්තර ඊළග පාඩම අවසානයේ ඇත.)